- Istiara hutumika kulinganishia hali.

- Hata hivyo, katika istiara, sifa inayolinganishwa haitajwi wala viunganishi mithili ya, ja, na kama havitumiki. Mifano:

 

1. Baba yake ni simba – mkali.

2. Jirani yangu ni shetani/ibilisi – katili, asiye na huruma.

3. Mwenzake ni mchwa – ana bidii.

4. Kakangu ni mbwakoko – mzururaji.

5. Mjakazi wetu ni chiriku – anaongea sana.

6. Kambi hiyo ni shimo la mateso – kuna mateso chungu nzima.

7. Nyumbani kwa msena wangu ni paradiso – ni kuzuri na kuna amani.

8. Mjombangu ni ndumakuwili – ni mnafiki.

9. Mwalimu wetu ni unju – ni mrefu sana.

10. Mwanamke huyo ni kasuku – anapenda kuyaiga mambo.

11. Chakula kile ni shubiri – ni kichungu mno.

12. Nguo ya kasisi ni theluji – ni nyeupe sana.

13. Mzigo wa wale ni nanga – ni mzito sana.

14. Yeye ni bahari – anaelewa mambo mengi.

15. Mgonjwa huyo ni mfupa – amekonda sana.

16. Upanga huo ni wembe – ni mkali sana.

17. Mwanariadha yule ni duma – ana mbio sana.

18. Nyumba ya halati wangu ni kasri – ni kubwa na ya kifahari.

19. Mwanasiasa yule ni kinyonga – ni kigeugeu.

20. Mpangaji yule ana ndimi mbili – ni kigeugeu.

21. Bintiye ni malaika – ni mrembo.

22. Kitoto chake ni fugo – ni kichafu.

23. Mamangu ni msamaria mwema – anapenda kusaidia na ni karimu.

24. Mwenzangu ni baniani – ni mnyimi.

25. Kakaye ni chui – anaonekana mpole lakini ni mtu hatari.

26. Mzee huyo ni panya – ni mnafiki.

27. Dadaye ni mbilikimo – ni mfupi sana.

28. Mimi ni tembo – nina nguvu nyingi za mwili.

29. Njaa ni adui mkubwa – njaa inaleta maafa.

30. Kinywa chake ni pango chafu – ana mazoea ya kutoa maneno ya kuudhi.

31. Mvulana huyo ni mpingo – ni mweusi sana.

32. Elimu ni nguzo maishani – Elimu ina umuhimu mkubwa maishani.

33. Mambo hayo ni usiku wa giza – hayaeleweki.

34. Maneno ya mwalimu huyo ni lulu – yanapendeza na yana busara.

35. Kinywaji alichotuandalia kilikuwa ni asali – kilikuwa kitamu sana.

36. Seremala yule ni sungura mjanja – ana ujanja wa kudanganya watu.

37. Moyo wake ni msitu mkubwa – ana siri nyingi moyoni mwake.

38. Mja huyu ni fisi – ni mlafi na mwenye tamaa.

39. Pesa ni mvunja mlima – zina uwezo mkubwa.

40. Mwimbaji huyu ni kinanda – anajua kuimba.

41. Maskini jirani huyu ni kupe – ni mzembe apendaye kutegemea jasho la wengine.

42. Pesa ni sabuni ya roho – pesa hufurahisha na huburudisha.

[resource: 3664, align: left]

43. Timu hiyo ni mwamba – haishindiki.

44. Maswali yale yalikuwa mboga – yalikuwa rahisi mno.

45. Maswali hayo ni mawe – ni magumu sana.

46. Mamaye ni bata – mpole na apendaye kudekeza.

47. Macho ya mwizi yule yalikuwa ni damu – yalikuwa mekundu mno.

48. Bintiye ni tausi – anaringa sana.

49. Gari lake ni dhahabu – ni ghali na la thamani ya juu.

50. Kinywaji alichompa kilikuwa ni barafu – kilikuwa ni baridi sana.